Tara bandu hanesan ceremonia tradisional ida husi lisan Timor Leste nian ne’ebe halao husi ita nia bei ala sira husi tempo uluk mai too agora. Iha ceremonia ne’e mos sei oho animal sira hodi hamulak ba bei ala sira tuir lisan hodi tara nuu tahan nurak hodi konsidera katak fatin ne’e Sagrado ona. Tamba ne’e wainhira ceremonia ne’e atu lao sei convida komunidade hotu hotu iha area neebe mak atu halao ceremonia atu mai partisipa hodi rona direitamente regulamento no sansaun sira ne’ebe mak sei fo sai iha tempo ne’eba, no ema se mak viola Lei ne’ebe mak hakerek ona iha regulamento ida ne’e sei hetan kastigo no multa.
Ministerio Turismo e Ambiente liu husi Diresaun Nasional Biodiversidade hamutuk ho Autoridade Local Suku Fatukahi, Representante Administrador Posto Municipio, Lia Nain, Policia Squadra ho Komunidade sira iha loron 12-15 de Novembro 2025 realiza atividade tara bandu ba komunidade sira neebe mak hela iha suku Fatukahi. Assunto balun neebe mak sei sai preukupasaun ba Komunidade sira mak tesi ai arbiru, sunu rai arbiru, husik animal arbiru hodi estraga to’os ou ai horis Komunidade sira seluk . Iha mos objetivo husi Tara Bandu nee mak hanesan Hosi Tara Bandu ida ne’e atu partilha ka fahe informasaun ba kominidade sira tuir lisan kultura bei-ala sira iha tempu uluk ba jerasaun foun iha ukun an ida agora. Ohin loron Suku Fatukahi komesa halo Tara Bandu tuir regulamentu ne’ebé iha bandu atu labele kasa animal fuik arbiru,tesi ai, sunu rai no habitat sira iha be’e no tasi laran. Realizasaun atividade nee hetan partisipasaun barak husi komunidade sira, nee’be mak iha interese hodi fo protesaun Animal, rai no ai horis sira nian husi estragus.
No comments yet.