EXERCISIO JESTAUN LAFAEK IHA MUNICIPIO DILI, BAUCAU HO LAUTEM

DIA 4-6 DE NOVEMBRO 2025

EXERCISIO JESTAUN LAFAEK IHA MUNICIPIO BAUCAU HO LAUTEM

DIA 4-6 DE NOVEMBRO 2025

Governo Australia fo Apoio ba Timor Leste hodi harii kapasidade Turizmu ne’ebe seguru no sustentavel. liu husi Programa Prosivu, Governo Australia hamutuk ho Governo Northern Territory fo trainamento jestaun Lafaek iha terenu ba funsionario Ministerio Turismo e Ambiente liu husi Diresaun Nacional Biodiversidade (DNB) ne’ebe mak realiza iha Municipio Dili, Baucau ho Lautem. Exercisio refere atu fo conhesimento basico ba funsionario kona ba oinsa atu halao peskija ba iha habitat lafaek iha tasi laran nomos iha mota laran. Exercicio hahu uluk iha fatin Turismo Wata Boo neebe mak lokaliza iha Municipio Baucau, depois kontinua bai ha Lagoa Iralalaru Municipio Lautem. Exercisio nee dirige husi Funcionario Governo Northern Territory hanesan : Sr. Tony Griffiths, Sr. Yusuke Fukuda, Sr. Robby Mcleod, Sr. Kelly ho Sr. David.

Exercisio dahuluk iha tasi ibun Wata Boo mak crocodile spotlight survey, exercisio foti dadus uja crocodile survey data sheet ba existensia no movimento lafaek iha tempo kalan. Halo identifikasaun ba kadalak sira ne’ebe fornese bee fresku ba lafaek sira area Wata Boo. Identifikasaun ba potensial fatin nee’ebe risku liu ba movimentasaun lafaek iha tempo loron ho kalan. iha mos materia kona ba oinsa sukat lafaek iha bee laran hare hosi lafaek nia ulun bee naklosu ou mosu iha bee laran. Iha exercisio nee hetan lafaek 4 ne’ebe mak halo movimento iha tempo kalan. material neebe mak uja ba iha spotlight mak Lampada, GPS no survey paper.

Exercisio segundu mak halao iha Tasi ibun Timor Diak, Porto Dili too Motael. exercisio foti dadus uja crocodile survey data sheet ba existensia no movimento lafaek iha tempo kalan. material ne’ebe mak uja ba spotlight nee mak Roo, Lampada, GPS no survey paper. Infelizmente iha exercisio ne la hetan lafaek ida. Iha execisio nee hetan partisipa mos husi Representante Embaixada Australia iha Timor Leste.

Iha mos atividade visita ba lafaek sira ne’ebe mak iha Lagoa Iralalaru nomos visita lafaek iha Luhan lafaek Hera. Atividade ida nee mos hetan apoio husi Prosivo Timor Leste.

Survey habitat lafaek iha fatin Turismo Tasi Wata Boo Municipio Baucau

Survey habitat Lafaek iha Lagoa Iralalaru Municipio Lautem

Visita luhan Lafaek Hera