Iha loron 21 Juñu 2024, Diresaun Nasional Biodiversidade (DNB) halo observasaun ba lenuk tolun iha tasi ibun parte Farol Dili e ekipa husi DNB hetan informasaun husi komunidade sira katak iha ema balun mak mai foti lenuk tolun ne’ebe lokaliza iha area tasi ibun farol no Ekipa DNB iha loron ne’e kedas sosializa informasaun ba komunidade sira atu labele estraga ka foti lenuk tolun ne’ebe besik bá iha area ne’ebé sai hanesan fatin bá lenuk hodi tolun ba. EKipa DNB halo informa ba Instituisaun konservasaun bá lenuk tolun hodi evakua lenuk tolun sira ne’e bá fali fatin konservasaun In-situ ho Ex-situ iha Ulmera-Liquiça. EKipa DNB mos kordena ho Autoridade Lokal liu-liu inklui komunidade sira atu kuadru avizu area refere hodi bandu ema foti lenuk arbiru no labele estraga rekursu ambiente iha area refere nomos halo liña koordenasaun nafatin bá oin hodi garante ambiente ne’ebé seguru no mos. Husi parte Ekipa DNB mos kria Kondisaun oinsa atu koordena komunidade sira no peskador ka liliu ba komunidade sira ne’ebe mak hala’o atividade jinastika iha tasi-ibun atu toma mos responsabilidade ba ambiente hirak liu-liu iha tasi-ibun hanesan
Ekipa DNB mos bandu ba komunidade sira atu labele estraga ka foti lenuk tolun banhira hetan iha tasi-ibun tenki kuidadu no labele halo nakfera lenuk tolun tuir prosedur katak depois loron lima nulu(50)mak foin halo nakfera , maibe karik sei la tuir prosedur mak lenuk nia tolun sei at hotu., Ekipa DNB mos husu ba komunidade sira atu koordena hamutuk atu bele kria kondisaun ba ambiente. Halo Protesaun ba lenuk tolun, Ekipa DNB entrega Lenuk tolun ba Grupu lenuk tasi Ulmera hodi halo inkuvasaun . Lenuk tolun total hamutuk 113 no iha 10 mak a’at no 103 mak diak lenuk tolun hirak ne’ebe mak diak mak halo tansaksaun ba ona sentru Ulmera.
No comments yet.