Dili, 02 Setembru 2025, Diresaun Nasional Alterasaun Climatica (DNAC) hala’o formasaun kona-ba Avaliasaun Vulnerabilidade Integradu (AVI) no kapasitasaun ba Relatoriu Technology Needs Assessment (TNA), iha Tower Fatuhada, formasaun ne’e hahu husi loron 02 to’o 04 fulan setembru 2025. Formasaun ida ne’e partisipa husi funsionarius 45 ne’ebé mai husi Instituisaun rua (2) ho Diresaun lima (5) mak hanesan AND I.P, ANLA I.P, DNB, CEIA, DNCP, DGA hamutuk ho DNAC.
Formasaun ne’e nia objetivu hodi hasa’e koñesementu no abilidade ba tekniku sira liu-liu ba tekniku sira ne’ebé foun kona-ba oinsa atu identifika vulnerabilidade ba mudansa klimatika no oinsa mak atu halo asaun adaptasaun no mitigasaun ba vulnerabilidade wainhira hasoru mudansa klimatika. Depois identifika ona vulnerabilidade sira no lori fali ba teknologia. Koalia kona-ba teknologia mudansa klimatika nian iha parte tolu (3) mak henasan Hardware, Software no Orgware.
No comments yet.