Iha loron 14 too 16 Outubro 2025 Diresaun Nacional Biodiversidade hamutuk ho Agencia International JICA ho Ministerio Negosio Estrangeiro realiza workshop kona ba Asean Center Biodiversity iha Salao JL Villa. Workshop nee loke husi Secretario do Estado Pescas Sr. Domingos da Conceicao dos Santos. hamutuk ho JICA Representative ho Embaxadora Philippines ba Timor Leste Sra. Anne Padua. Workshop nee partisipa husi Funsionario hamutuk 56 pessoas mai husi Ministerio Turismo e Ambiente, Ministerio Agricultura Pekuaria Pescas e Florestas, Conservation International, Autoridade do Protesaun Civil, no PNTL.
Workshop nee objetivo mak hanesan tuir mai nee:
- Partisipante sira ekipadu ho komprensaun no estratéjia sira atu integra biodiversidade iha polítika nasionál sira, oinsá atu hetan envolvimentu sustentável no internasionál
- Hametin aplikasaun legál, vijilánsia no koordenasaun entre ajénsia sira hodi hamenus atividade ilegál sira iha área protejida sira
- Hasa’e komprensaun kona-ba biodiversidade rejionál, paizajen polítika, esbosu inisiál ba polítika badak/ rekomendasaun ba Governu Timor Leste, kontestu diplomátiku ASEAN.
- Hasae kapasidade Institusional iha plano no kordenasaun ba efetividade no sustentabilidade jestaun protesaun areas
- Hasae konesimento kona ba operasional jestaun protesaun areas ho Ninian implementasaun iha kolaborasaun ho stakeholder sira
- Prepara rekursu entre linhas Ministerial hodi hare ba Assunto Biodiversidade Timor Leste nian wainhira Timor Leste adere ba ASEAN,
- Hasae conhesimento nomos informasaun kona ba Asean Center Biodiversity
- Hasae konesimento ofisial sira nian no parseiro relevante sira nian hodi implementa instrumento nee ho didi’ak hafoin Timor Leste nia adezaun ba ASEAN
- Fahe informasaun kona ba papel no funsaun husi Asean Center Biodiversity
- Fahe informasaun kona ba experiencia kona implementasaun atividades no programa Biodiversidade husi Governo Filipina
Apresentador iha Workshop nee mak hanesan Advogado Elpidio V, Peria, Sra Grace Guiang ho Sra Andy M husi Filipina.
No comments yet.