Workshop kona ba Dezemvolve Protocolo Basico atu halo Estudu ba iha Biodiversidade/Biosistematicas, Data Management nomos Peskiza Biological iha Framework Projeito ABS Timor Leste

Iha loron 11, 13 ho 14 Novembro 2025 Diresaun Nacional Biodiversidade liu husi Projeito ABS realiza workshop kona ba Dezemvolve Protocolo Basico atu halo Estudu ba iha Biodiversidade/Biosistematicas, Data Management Peskiza Biological iha Framework Projeito ABS Timor Leste. Iha workshop nee halao iha salao City 8 Manleuana Dili. Workshop nee partisipa husi Funcionario Ministerio Turismo e Ambiente, Ministerio Agricultura Pescas Pekuaria e Florestas, Dosente no estudante husi UNTL, UNDIL, ICS ho UNITAL, nomos Sociedade Civil sira. Objetivo husi Workshop ida nee hanesan Oinsa atu dezemvolve protocolo basico wainhira halo estudu ou peskiza ba iha BIodiversidade, importansia husi Database Biodiversidade, fahe konhesimento basico kona oinsa mak atu halo peskiza kona ba rekursu Biodiversidade iha terrenu inklui ekipamentos sira ne’ebe utiliza ba iha peskiza. Workshop nee fo husi apresentador Badan Riset dan Inovasi Nasional (BRIN) Indonesia. Workshop ida nee hanesan kontinuasaun husi workshop antes, ne’ebe mak fo husi BRIN Indonesia.