Iha loron 9 fulan Dezembro 2025 Diresaun Nasional Biodiversidade hamutuk ho UNDP halo kontinuasaun workshop kona ba konsultasaun regional revista progressu NBSAP neebe mak realiza iha Salao PAM Liquica Posto Administrativo Liquica, Municipio Liquica. Iha Workshop refere lidera no loke husi PAM Liquica acompanha husi Diretor Geral Ambiente, Diretor Nacional Biodiversidade, Kordenador Programa servisu UNDP ho Komandante Policia Squadra Bazartete. Partisipa iha workshop ne’e mai husi Komunidade local sira, grupo feto Liquica, Empresario no seluk tan. Objectivu principal husi workshop ne’e mak Apresenta esbodu NBSAP 2026 – 2030 nian ba representante komunidade sira iha nivel municipio no hato’o feedback kona-ba nia relevánsia ho realidades lokál no Rikusoin biodiversidades, ai-laran no servisus ekosistema, inklui dimensaun kultura, social no sustentu moris sira tamba Timor-Leste agora iha procesu atu atualiza Estratéjia Nasionál no Planu Asaun ba Biodiversidade (NBSAP) atu garante nia harmonizasaun ho Estrutura Global ba Biodiversidade Kunming-Montreal (GBF). Iha workshop ne’e partisipante sira antusiamu tebes involve iha diskusaun grupo ne’ebe mak koalia kona ba situasaun no kondisaun atual husi ambiente iha Municipio Liquica. Tuir planu Diresaun Geral Ambiente (DGA) liu husi Diresaun Nasional Biodiversidade (DNB) ho UNDP hamutuk ho programa nasaun unidas ba Dezenvolvimentu (UNDP) mos sei halo validasaun ba dokumentus esbosu NBSAP nian iha dia 11 de Desembro 2025.
Grupo Feto ho Mane sira halo diskusaun hela
No comments yet.