Dili, loron 21 Maiu 2026, Ministeriu Turizmu Ambiente liu husi Diresaun Jeral Ambiente no Diresaun Nasional Biodiversidade selebra loron Mundial Biodiversidade ho tema “Asaun Komunidade lokal nu’udar xave ba protesaun Biodiversidade hodi garante ba futuru sustenstavel” ne’ebe mak monu iha loron 22 de Maiu 2026. Iha selebrasaun ne’e hala’o atividade loronrua (2) mak hanesan 1.Atividade Desimina informasaun kona-ba politika Ambiente ba protesaun rekursu biodiversidade no 2.Atividade kuda-ai funan Bougainvillea (suratahan). Atividade Desimina informasaun kona-ba politika Ambiente nian hala’o iha Centro Convencao de Dili iha loron 21 Maiu 2026. Workshop ne’e partisipa husi funsionariu Diresaun Jeral Ambiente hamutuk ho Autoridade lokal husi Munisipiu Dili, Inklui ho Offisial Polisia Suku, Representante Presidente Autoridade Munisipiu Dili, Parseiru Desenvolvimentu husi Diresaun Jeral Ambiente hanesan UNDP, Conservation International (CI), Blue Venture no seluk tan. Iha atividade desiminasaun ne’e abertura husi Kordenador Jeral Ambiente Sr. Alves Gomes Martins no Akompana husi Diretor Jeral Ambiente Sr. Domingos Mesquita no Diretor Nasional Biodiversidade Sr. Flaminio Maria Esteves Xavier.
Atividade ne’e iha mos apresentasaun ou fahe informasaun husi:
- Apresentasaun husi Diretor Diresaun Nasional Biodiversidade Sr. Flaminio Maria Esteves Xavier
- Apresentasaun husi Representante UNDP Sr. Pedro G.d. S. Marcal da Costa
- Apresentasaun husi Diretor Jeral Ambiente Sr. Domingos Mesquita
- Apresentasaun husi Chefe Departemento Centro Edukasaun, Informasaun Ambiental Sr. Augusto Soares
- Apresentasaun husi Chefe Departemento Diresaun Nasional Alterasaun Klimatika Sr. Luis Belo
- Apresentasaun husi Diretor Diresaun Nasional Kontrolu Poluisaun Sr. Arlindo Silveira
Assuntu importante husi Atividade Desiminasaun ne’e mak atu alinha politika husi Diresaun Geral Ambiente nia hamutuk ho Autoridade lokal Munisipiu Dili hodi hare ba oinsa halo politika kona-ba regulamentu ne’ebe fo protesaun ba animal fuik iha Timor Leste, fahe mos informasaun kona-ba tarjetu no Asaun NBSAP nian no key funding &7NR Biodiversidade nian, nune’e mos fahe informasaun kona-ba ba atividade Hau nia Tasi Hau nia Timor HTHT ne’ebe mak hala’o husi Ministeriu Turizmu no Ambiente. Assuntu seluk mak hanesan informasaun kona-ba pratika lixu plastiku ba valor ekonomiku, ko’alia mos kona-ba mudansa klimatika ligadu ho Biodiversidade no ikus mak fahe informasaun kona-ba jestaun lixu. Kontinua ba atividade Loron da-ruak nian iha loron 22 Maiu 2026 realiza atividade kona-ba kuda-ai funan Bougainvillea (suratahan) iha area Kristo-Rei Dolok-oan Dili, liu husi Ministeriu Turizmu Ambiente Diresaun Jeral Ambiente no Diresaun Nasional Biodiversidade hamutuk ho parseiru no Autoridade lokal, Polisia Komunitaria kuda-ai funan Bougainvillea (suratahan), Kordenador Jeral Ambiente konsidera atividade kuda-ai funan ne’e Timor- Leste sei sai furak liu iha futuru. Ho asaun ki’ik ida ne’e ita halo kuda-ai funan nee atu bele kompleta loron mundial biodiversidade ba ita nia rai.
No comments yet.